على هامش المسؤلية

البعض يُرجع أصل المسئولية بإعتباره كمبدأ أخلاقي يعنى بذلك أنه نابع من الأصول والجذور الثقافية لمجتمع ما ،ولأن الأخلاق نابعة من التربية التى بدورها قائمة على التعلم الذي في غالبه يلعب بفلسفة الثواب والعقاب كأسلوب يطبقه بعض البشر بإعتباره صحيح وبعدوا عن الأسلوب المنطقي الصحيح في التعلم بالتحاور والاقناع والتجربة والخطء وفي نهاية سيناريوا التعلم الخاطئ نصل لنقطة أن المسئولية لعبة يساء التعامل معها .

في الغالب اول ما اسمع المسئولية يقفز في ذهني وفورا الوعي وهو يعتبر حالة للعقل يكون فيها مدرك ومتواصل مع محيطه الخارجي ،ونجد حقيقة أن الوعي بيذداد مع العلم عند البشر فكل ما العلم قل قل معاه الوعي والعلم المقصود بيه هنا فكرة التعلم وإستيعاب الخبرة من المواقف فنتفق مع وجود الوعي تتحقق المسئولة ،يمكن لاحقا نتحدث عن هذا الوعي .

نرجع تاني للمسؤلية عند تطرقنا لها مرة أخرى نعود لفكرة المسئولية عن قرارتنا وقدرتنا على تحمل ردود الأفعال عن إختيارنا وهكذا..، فنعود من تاني لنفسر ذلك بربطه بالجذور الثقافية حيث وضع الاعتبار هنا اولا عند مجرد التفكير فى القرارات حتى وليس الشروع بإتخاذ القرار ،نتجه للمجتمع ورد فعل المجتمع وتقبل المجتمع لي وهل يستقبلني الناس طيب وإن غامرت ولم يتقبلنى الناس حاقدر أصمد لأى نقطة ... وفي الغالب نلغي هنا أنفسنا فلا تفكر فى الاجابة على اسئلة مثل هل سأقوم بما أقوم لنفسي وهل سيجدى لي نفعا وهل سيجدى ضرار ما مقداره هل جيد او مؤلم طيب هو انا راضي وكثير من الأسئلة التى تقرر لنا حقيقة أن الوعي والتواصل الداخلي يكاد يكون ملغي وأن الثقافة والجذور والناس ليهم الاعتبار والاولوية وبتضيع انت داخل الدوامة ؛لكن يعود الوعي وندى التغيير ليضع حد وليرفض تفسيرى هذا لينتشر بين جنباته أغاني مثلا - مايستهلوشي - وتبقى هاشتاج بعد كلمات ومواقف بيرفض بيها البعض سيطرة جذور لثقافة غبية فى عقولنا خلاها المجتمع واجب فرض مراعاة التفكير فيه لا مفر .

 بيقودنا الكلام هنا  لمسيرة التغيير لكن وعلى أية حال أولى بينا نتجه إلى الصدام بين المسئولية والحرية بنلاقى عنها في التراث الأفلاطوني أنها بتمثل عنده مبدأ مطلق وأزلي ،ولقيت عند "جون بول سارتر" بيقول أن الإنسان لا يوجد أولا ليكون بعد ذلك حرا، إنما ليس ثمة فرق بين وجود الإنسان ووجوده حراً. اتفق هنا معهم وأختلف في نفس الوقت ...ونرجع نحسم القضية من تاني بين مفاهيم غالا في الوقوف معاها وأختلف وأتفق بشكل مذهل  مجتمعنا ،ونعترف فى النهاية بنتيجه انه شوه وقتل وإنتهك صورة الفطرة من اول ما بدأ يتنازل الأنسان عن حقوقه البشرية الطبيعية لحد ما رضخ للواقع المهين لذاته بصورة تلقائية كده ،وبدئت هنا تتعمق فكرة العبودية من ضعف القدرة على تحمل المسئولية تحت مسمى المسئولية وحرية الاختيار فنوصل لمرحلة الجدل بين السيد والعبد عند هيجل فكلما إذداد العبد عبودية إزداد السيد وحدة ..فموتا. أو ننتهى أن الفطرة تثور للتغيير لدرجة وصولها للموت في سبيل الحصول على الطبيعة من تاني في العادي مافيش خط مستقيم بتمشي عليه الحياة لكن حياتنا فى كرفات زى رسم صورة نبض القلب فالمسئولية صعبة ومعزورة لما تقيسها بالمجتمع لان ده مش طبيعى لكن لما تقيسها بمعاييرك الحمل مش هايكون تقيل ساعتها بتقل جذور مش ضروريه أبدا ....
 نشر في  ...

 http://www.al-mowaten.com/ar/news/48118

 

الفطرة.. لـ منى لاشين

الفطرة.. لـ منى لاشين

 الفطرة مقياس نفسي كامل، تلقائيا يعرفك كل جوانب نفسك المضطربة والناقص فيها وماذا يكملها وتحتاج اليه ،فيها توجيه ذاتي دون الحاجة لتوجيه أحد او مساعدة ،قال تعالى "وَنَفْسٍ وَمَا سَوَّاهَا * فَأَلْهَمَهَا فُجُورَهَا وَتَقْوَاهَا"

يعنى اذا فجرت النفس يلهمها الله انها فجرت ،فيشعر بالضيق والكآبة وتأنيب الضمير وتعذبه نفسه ذاتيا دون توجيه من أحد .

فالإنسان خير بطبيعته قال الرسول صلى الله عليه وسلم :"اسْتَفْتِ قَلْبَكَ وَاسْتَفْتِ نَفْسَكَ ثَلَاثَ مَرَّاتٍ الْبِرُّ مَا اطْمَأَنَّتْ إِلَيْهِ النَّفْسُ وَالْإِثْمُ مَا حَاكَ فِي النَّفْسِ وَتَرَدَّدَ فِي الصَّدْرِ وَإِنْ أَفْتَاكَ النَّاسُ وَأَفْتَوْكَ) ." من أحاديث الأربعين النوويه.

 عن عمر رضى الله عنه قال : رحم الله امرءا اهدى الى عيوبى ،وقال تعالى :
﴿ إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا تَتَنَزَّلُ عَلَيْهِمُ الْمَلَائِكَةُ أَلَّا تَخَافُوا وَلَا تَحْزَنُوا ﴾فصلت
.........
العنكبوت ( والذين جاهدوا فينا لنهدينهم سبلنا )
........

﴿ قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا ﴾

اما فرويد ولورانز قالوا بأن في الإنسان غريزة للعدوان ؛ وسيراز لومبروزو يذهب إلى أن البعض يولدون مجرمين بالوراثة ،وتلك الأقاويل تعطي فكرة سلبية ومتشائمة عن طبيعة الإنسان.

ماهي الفطرة تحديدا هنا ،أقصد بها طبيعة الإنسان حين لا يتدخل أي تأثير آخر سلبي أو حتى إيجابي لتوجيهه ؛ الفطرة السليمة الطبيعية هي التي تميز الغريزة الانسانية عن بقية الغرائز الحيوانية ،فاتكيفه مع الحياة وبيئته مختلف مع تكيف اى كائن آخر بل و مميز أيضا ،لكن الفطرة لاتعني الكمال وتعني حب السعى نحو الكمال ،ففروم وماسلو أعطونا فكرة إيجابية عن الطبيعة الإنسانية وأكدوا على النواحي الخيرة والإيجابية في الطبيعة الانسانية.

فكما أن للإنسان إستعدادا فطريا للخير ،فيه أيضا إستعداد لتعلم فعل الشر إذا وجد في ظروف مساعدة على ذلك إجتماعية وتربوية وثقافية يتعلم منها الاخلاق الرذيلة وأفعال الشر.

 وعلى ذلك فإن الضيق والكآبة وتأنيب النفس علامة إيجابية للعودة لطريق الفطرة وتفتح لك أيضا طريق الله  للمحاولة للوصول وتشبعك بخلافة الله وقربه ووصاله وليملئك بنوره.

احلام اليقظة

من طبيع احلام اليقظة أن يشعر الانسان بالشرود بالذهن بعد فترة استرخاء نتيجة خدر عند المرض او ضعف جسمى او توتر نفسى او تمارين استرخاء مقصودة تؤدى الى انعزاله عن الواقع
تكون هذة الاحلام ربما إيجابية وذات فائدة حينما تؤدى الى الابداع وحل المشكلات والراحة النفسية التى تحدث للانسان نتيجة التخلص من التوتر ليرتاح الجهاز العصبى و تقوى بذلك الروابط العصبية فى الدماغ لينشط القسم الايمن بالمخ فتستطيع التركيز والتخطيط والابداع ،فعندما تريح الذاكرة ويكون الذهن صافيا تجد نمو صحى وايجابى فى مناحى عدة مثل نمو الجوانب الاجتماعية والادراكية ،قتخبرنا التجارب المعملية ان التأمل النااج من احلام اليقظة له فوائد صحية لجميع الاعمار فتساعد الاطفال على نمو الوانب الادراكية والمعرفية ،فنجد ان احلام اليقظة لها فائدة اذا كانت تحمل على اجنحتها استعداد للمواقف الحيلتية الواقعية المقبلة او تحمل تخيل وتدبير لخطة لتحقق بها التفاؤل والنجاح فى محطات الحياة الفعلية فتتخيل ما تخاف منه كعدم ثقتك فى نفسك لتتخيل موقف انت فيه واثق وشامخ فيه.
لكن اذا مر على ذهنك واستعرض موقف مررت به او ستقدم عليه خيف ومرعب ومحبط فإنه الجانب السئ من احلام اليقظة ..فلما تستعرض المواقف التى فيها العلاقات الاجتماعية سيئة وسلبية وتغوص فى تلك الاحلام وتسيطر لديك مشاعر الخوف والرعب فتبكى او تهرب من مكانك قلق مرعوب ولا تعرف ماذا تفعل ،او تصيبك نوبة انتقامية للهروب من المواجهة كأن تهجم على الطعام او تثور غاضبا دون سبب او يعتدى على الاخرين او تاتى له نوبة غضب فيكسر اى ىشئ امامه وعندما يهداء يتسائل ماذا اصابنى ولماذا فعلت ويستعجب من نفسه ،فيحدث مرارا وتكرارا للافراد المتوترين والذين بداخلهم صراع مع مشكلة او ذكريات مؤذية او لديه مشاعر الذنب ولا يستطيع مواجهة نفسه اوالبوح بها لاحد ..لذلك انتبه اين يشرد ذهنك
نشرت فىhttp://www.al-mowaten.com/ar/news/42755

علامه مسمار

لما المسمار بيندق فى لوح الخشب بياخد وقت ومجهود علشان يدخل كويس ولازم الدقة طبعا لكى لا ينعوج فينكسر فيؤذى الخشب والمسمار ومشكلات ،وده غير الوجع بسبب الصداع والمجهود اللى بياخذه فيتثبت كويس ..... ولما تخرجه من الخشبه تلاقيه سايب علامه مكانه ايه انما محترمه .... عن هذه العلامه سأتحدث 
هذا هو الحال لدينا مع كل تجربه وقصة عشتها ودخلت فيك فى جسمك او فى عقلك او حتى فى روحك حسب انت وصلت معاها ووصلت المسمار لفين ،فلما تفتكر وتفهم الوجع وانت بتنظر للعلامه و تحفظ مكان المسمار بتكون القصة فى جسمك ،او توصل الحمد لله‍ بعد مجهود عظيم ان المسمار يخرج فتبتدى القصة هنا تتحول لعقلك ، ويمكن حالك يكون افضل بكتير لما تعرف المسمار ساب علامه اسمها ايه وقتها بتكون روحك هيا اللى فهمت ايه هيا علامة المسمار .
لهذة الحياة فى الواقع تجارب ومسامير فى النهاية بتشكل لنا هويتنا فكيف ..؟!! 
لا تستطيع ان تشعر بمعنى السعادة مثلا الا اذا تذوقت السعادة وعشتها وجربتها لكى تصل لهذه المرحلة الوصول لذروة السعادة القصوى تلك تكون اولا قد حرمت منها لتحتاجها لانك مشتاق لها فتبحث عنها وتجدها وتسعد بها فى ذلك انت بتنتقل للسمو والترقى فى المشاعر لتبيع السعادة لكل حى على المعمورة ، وهكذا مع الجوع والعطش مع الصيام ،فهذه فريضة الحياة لتحيا تشبع جسدك المادى فتباعا بيرتقى معه جسدك المعنوى ......وكذا مع كل ابتهاجه وشعور بروحك تبداء ترى لا اجساد فقط بل ارواح تحيا حولك ..وقتها انت تشعر بانك عايش والحياة تعطييك معنى وانك خليفة الله فى الارض استخلفت فيها لتحقق صفات خالقك فيك وفى حياتك فبتعيش قصص حياتك بهدف وبتكون عندك كينونتك بتاعتك ...فنلاقى فينا الرحيم ،و القوى الشجاع الذى يكره الضعف و ينصر الحق وينادى فى قومه بالڨوى.
هنا يكون لنا هوية وملامح ونسمى مجتمع لا سكان ونكون فى التاريخ مجتمع ما فى العهد كذا قائدنا كان فى التاريخ هذا ننادى بهوية فنذكر عند من بعدنا اننا كنا بنخلف الله فى ارضه ولو لم نكن نذهب وتذهب ريحنا ويأتى بقوم تالين حتى يأتى من يعى الدرس جيدا ..فى داخلك فيك نفسك فمن هى وماذا ممكن ان تكون حتى بعد.

منشورة فى جريدة المواطن ....http://www.al-mowaten.com/ar/news/40616

الهوية 2

فى مؤتمر الطب النفسى وطب الأعصاب الأخير بجامعة عين شمس فى محاضرة عن  نموذج الأربع خطوات المتبع فى العلاج الجمعى للدكتور محمد أيمن ذكر لنا فى حديثه مايجيب عن سؤالنا حول سبب إستخدام الناس للألعاب اللى بيسخبوا من وراها ويمنعوا مشاعرهم وإحتياجتهم الحقيقية والمطلوب إشباعها .

حين العودة لطريقة التربية فى مجتمعاتنا العربية بالخصوص 
أن الآباء والأمهات لا ينظروا لأحتياجات الاطفال ولكن يريدوهم مقارنة بأقرانهم او بأحد الأقارب أو ينفذوا لهم أحلامهم القديمه ..!!!
لا يتم تقبل الأطفال الصغار كما هم بقدراتهم وطبيعتهم 
بل والأصعب من ذلك أن الحب بيكون مشروط أن الطفل ينفذ الأوامر 
بينسى هنا الطفل احتياجاته وطبيعته ويجرى يدور على الحب المشروط ده وبيتكون بداخله احتياجات ناقصة وينسى هو مين وعايز ايه ..........!!!

ضاعت من هنا الطرق الصريحه والعادية للناس علشان يوصلو لإحتياجاتهم الطبيعية اللى هيا من حقهم كبشر وبداء إستخدام اللف والدوران من خلال اللعب اللى اتكلمنا عنها 

بيظهر نوع تانى من المواقف غير المنتهية اللى ذكره لنا د.محمد طه نلاحظة بوضوح فى الطفولة لما بيتم كبت الأطفال وعدم الإهتمام بهم أن الطفل بيعافر علشان يوصل لمطلبه مثل موقف طفله زى القمر تحملها فرحة فستان جديد بتلف وتدور فى الهواء اللى بيطير الفستان فتفرح أكتر وهيا بتجرى لمكتب باباها علشان تفرح بإهتمامه بيها لما بيكون مشغول فى دخلتها عليه وبيفضل مشغول وغير مهتم وتفضل تلف وتعمل دوشه ويفضل مشغول فاتبكى وتسيبه من الحزن وماترحش تانى تفرح معاه بعد كام مرة يعمل الموقف ده معاها فتنسى أن من حقها الأهتمام ويفضل الموقف جواها لم ينتهى 

ضاعت من تانى هنا احتياجات وحقوق وتركت ماتركت فى النفوس لنجد الأنفس الثلاثة التى تظهر أحيانا فى غير أوقاتها لتسبب ماتسبب من أزمات 

(إريك بيرن1970 )  بناء على ماتوصل له فرويد فى التحليل النفسى  تصوربيرن  أن بداخل كل إنسان ثلاث أنفس وغالبا ما تتعارض  مع بعضها 
بتتبدل هذه الأنفس مع ثلاثة شخصيات بداخلنا لكل واحده منهم طلبات وإحتياجات وحقوق لكن أحيان كتيرة بتخرج فى غير الوقت المناسب ليها بتتكون الأنفس دول من 
صورة (الأب) وتوجهاته وتفكيرة الناقد المتحكم وهكذا...
أو من صورة (الراشد) العقلانى المفكر الذى يقبل الحقائق وشديد الموضوعية .
وأخيرا  من صورة (الطفل) اللى نلخصة فى جملة أنا عايز ودلوقتى حالا من غير اعتبارات.
المشكله بتكون فى المواقف و التفاعل بين الناس من الممكن ظهور واحده من الصور فى غير محلها ونتنقل بسهولة من صورة للتانية بدون ان ندرى فنتحول لعناد الطفل فى موقف يحتاج عقلانية الراشد؛ والذى يتعامل معانا بحنية تنقصنا ونحتاجها نألفه ونتقبله بسهولة؛ والذى يستخدم معانا أسلوب وصورة الأب الناقد الناهى نعانده بالطفل الذى بداخلنا ؛وبنستمد طبعا المواقف اللى مانتهتش جوانا فى بعض او اغلب الصور  وتتشكل مواقف معقده وأزمات فى العلاقات قامت على أسس غير سليمة أصلا 

من المفروض أحتياجات الطفل تقابل بحنية ؛وعقلانية الراشد تقابل بعقلانية وليس عناد طفل او أمر أب ؛وتحكم مدير فى صورة أب لايقابل بعناد طفل بل يقابل بعقل راشد مثلا وهكذا ...
تحياتى 
منى لاشين

الهوية

لقيت نفسى فيك ......

كتير من الناس اللى بتحب بتحس قوى بالجمله دى ...  ده معناه ايه .......

نقدر نفسر العبارة دى من خلال رؤيه العالم اريك اريكسون لما كان بيحكى أن المرحلة دى من نمو مشاعر الحب بتظهر لما بيكون حد بيسقط هويته على التانى وبعد كده يشوفها منعكسه عليه هوه والناس اللى بتعمل ده بتعملو علشان بتحاول توصل انها تحدد هويتها ........واريكسون بيقول ان ده من سمات وتوابع نضج مرحلة المراهقة ..

يعنى المفروض ماتحسش بالمشاعر دى خالص لو انت ناضج وعندك هويه......

والعكس لو حسيت بأن حبيبك بيعمل اللى نفسك تعملو يبقى ده مش حب......  

هاتعمل ايه ...اجرى دور على هويتك فورا وماتضحكش عل نفسك اكتر من كده

على مستوى تانى من المشاعر ممكن نلاقى حد يحب زميله او صديق ليه علشان ناجح او قابل حد فى اى مكان ومعجب بأنشطته وبس وطول الوقت هو معجب بيه وبس وبيحكى للناس عليه وبس وكمان بيسئلو وبيعرف المواعيد والانشطة بس مأنتخ او بيروح عل سبيل التقليد ومن غير هدف خاص بيه.... ... لو بتعمل كده انت بردو ماشى من غير هويه ...

بردو دور على هويتك 

فى العام ٨٥٩١م قدم (هارى هارلو) رئيس الجمعية الامريكية لعلم النفس فى هذا الوقت من خلال ابحاثة لفكرة ان الاحتياج لمشاعر الحب ليس دافع ثانوى وانه دافع رئيسى مثل الجوع والعطش وكان عايز يوضح أن أحتياج الانسان لتبادل مشاعر الحب من الطفولة يبدأ بدليل ان الطفل لما تنتهى سنوات الرضاعه برضوا بيكون محتاج يتواصل مع الام وياخد منها الحب والامان والدعم .

هارى وعلماء تانيين فى علم النفس  زى فرويد واريك اريكسون كانوا دايما بيدوا أهمية لموضوع التواصل وانه بيأثر ازاى فى المشاعر وقد ايه ده ممكن يعمل إعاقه فى النمو النفسى واحتمال كمان  نموك النفسى يثبت عند مرحلة معينه وده اللى بيخليك حاسس ان شئ ناقص وبيضيع هويتك سعات كتيرة علشان كده دى اول خطوة انك تعرف ماشى ازاى وواقف فى اى مرحلة دلوقتى .

هانتكلم عن الالعاب اللى كانت لعبه لقيت نفسى فيك كانت اول لعبه ووصلنا ان اللى بيلعب اللعبه دى بالذات مش  بيكون غالبا وصل لمرحلة تحديد الهوية..و  علشان نلاقى هويتنا فين ...!!!

فى لعبه تانية من ضمن العاب كتير اتكلم عنها ( اريك بيرن )١٩٦١م فى كتابه الرائع transactional analysis in psychology ،  بيقول عن لعبة (لولاك ) ان دى بتكون خاصة بالناس اللى بتحب تتحجج فبيورط دايما اى حد حواليه وبالذات القريبين منه فى انه السبب وخاصة لو كان ليه شريك ومرتبط  فبيعتبره عقبه فى حياته فبيقول لولاك لكنت عملت وسويت ، بيرن بيوضح ان الناس اللى بتعمل ده بسبب انه مش قادر يواجه مخاوفه فبيتنصل من المسئولية باللعبه دى وغالبا بيلعب وهو مش واعى خالص ...فمثلا: لو فيه راجل طموح وزكى وناجح فى شغله جدا بيلعبها كده لما بيجى يدور على شريكه حياته بصراحه شديدة بيطلب انها تكون فاضية ومش ناجحة وده علشان مين هياخد باله من البيت و الاولاد فى المستقبل ، ويجى بعد كده يشتكى انها مش فاهماه ومش بتشجعه وان لولاها كان نجح اكتر او مافشلش او انه ثابت فى نجاحه او ان فى مشاكل كبيرة بينهم فى التواصل و المڜاعر .ً..وهكذا  ا

بيرن قدم لعب تانية فى الزواج وفى الحياة عموما ومنهم لعبة اسمها ( اجل ..ولكن ) ودى للناس اللى بتشوف فى كل حل بيتقدم مشكله دايمايعنى تفضل تساعدهم وتنصحهم بحلول ويقولك ( ايون ...بس اصل مش حاينفح ..او اجل ..ولكن ) ان النوع ده من الحوار واحد بيلعب دور الاب الحنين الناصح الامين والتانى بيلعب دور الهارب الدائم دور من ادوار الطفولة بيستخدم علشان عايز حد يتعاطف معاه ويصعب على حد يعنى فى الاخر عايز تعاطف فبيلعب .

كان بيرن عايز  يوصل حقيقة ان الناس اللى بتستخدم الالعاب بيستخبوا من  وراها و يمنعوا مشاعرهم و احتياجاتهم المطلوب اشباعها واللى مش عارفين انه‍ا موجودة و لا عارفين يعبروا عنها  بالطريقه السهله.

يبقى لازم  تعرف  وتحدد احتياجاتك  ودى اول خطوة فى طريق تحديد هويتك ، تانى خطوة هانتگلم عن الانفس التلاته اللى لما تعرفهم هاتعرف تستخدمهم صح فى المرة  القادمه ...تحياتى 

منى لاشين